【香港商報網訊】新冠肺炎侵襲娛樂圈，除了新城有人中招外，歌手何弘軒昨日在網上拍片指媽咪已確診，昨日接受訪問透露媽咪跟早前的士群組患者有接觸而不幸確診，已經送院接受治療，而他和爸爸分別安排到西貢和駿洋邨的隔離營接受觀察，至今已一星期，慶幸他和爸爸的報告都呈陰性，而他曾接觸的同事亦已接受測試，全部呈陰性。

　　何弘軒稱媽咪屬「的士群組」，幾日前確診，近兩天突然發燒至38度，他說：「好擔心媽咪，媽咪之前都冇乜病徵，不過呢兩日好反覆，Keep住高燒唔退，肺都有少少花，好彩含菌量係低嘅。」他與爸爸均是密切接觸者，都要入住隔離營，他說：「呢幾日都擔心，爸爸喺駿洋邨。（掛住媽咪？）都有facetime，如果佢精神好少少都會傾偈。（擔心自己都中招？）我有做測試，我同爸爸都冇事，依家觀察媽咪，希望佢快啲退消，冇咁辛苦，始終老人家抵抗弱啲。」提到西貢隔離營，他仍能講笑：「環境OK，起碼有冷氣，所以都驚爸爸嗰邊冇冷氣唔慣，驚佢會辛苦。」

　　此外，上周確診的麥德羅與女友劉麗萍（Apple姐）等，目前正在留醫及治療，而曾與麥德羅一齊食飯、游水及共用咪高峰的劉少君，日前已確診入院。昨日麥德羅表示︰「多謝大家一直以來嘅關心，得到呢個病，實情我都唔知邊度得到，但如果有同我接觸過嘅朋友都感染呢個病，我都萬二分抱歉，希望你快啲好番。」他現已退燒，沒有屙嘔及發冷發熱，稍後醫生會跟他再做身體檢查。